წესები და პირობები

WebCraft Georgia — ვებ-სტუდია, რომელიც ქმნის ვებსაიტებს, ონლაინ მაღაზიებსა და ჯავშნის სისტემებს საქართველოში.

კონტაქტი: 555 53 31 08 · WhatsApp · @webcraftgeorgia

ამ გვერდზე აღწერილია ის პირობები, რომლითაც ვმუშაობთ. შეკვეთის განთავსებით თანხმდები ამ პირობებს.

საიტზე მითითებული ფასები არის საბაზისო პაკეტების ღირებულება. ზუსტი ფასი ფიქსირდება ბრიფის შემდეგ, როცა პროექტის მოცულობა გარკვეულია.

შეთანხმებული ფასი პროექტის მიმდინარეობისას არ იზრდება. თუ სამუშაოს მოცულობა გაიზარდა (ახალი გვერდი, ახალი ფუნქცია), ჯერ გაცნობებთ ღირებულებას და მხოლოდ შენი დასტურის შემდეგ ვაგრძელებთ.

ფასები მოცემულია ლარში.

1. ბრიფი — მოკლე საუბარი ან ფორმა. ვარკვევთ, რა გჭირდება და რა შედეგს ელოდები.

2. შეთავაზება — გიგზავნით მოცულობას, ვადას და ფასს წერილობით.

3. დიზაინი — მთავარი გვერდის დიზაინს ამტკიცებ კოდის დაწერამდე.

4. დეველოპმენტი და გაშვება — აწყობა, ტესტირება, დომენი, ჰოსტინგი, წვდომების გადაცემა.

გადახდა ორ ეტაპად: 50% სამუშაოს დაწყებისას, 50% გაშვებამდე.

გადარიცხვა ხდება საბანკო ანგარიშზე. ანგარიშის რეკვიზიტებს შეთავაზებასთან ერთად გიგზავნით.

საიტი პროდაქშენში ეშვება მეორე ნაწილის გადახდის შემდეგ.

საორიენტაციო ვადები: Landing Page — 2-3 დღე, ბიზნეს ვებსაიტი — 7 დღე, ონლაინ მაღაზია — 14 დღე.

ვადის ათვლა იწყება მას შემდეგ, რაც მივიღებთ ყველა საჭირო მასალას — ტექსტებს, ფოტოებს, ლოგოს, წვდომებს. მასალის დაგვიანება ავტომატურად წევს ვადას.

თუ ვადა ჩვენი მიზეზით იწელება, გაცნობებთ დროულად და ვთანხმდებით ახალ თარიღზე.

დიზაინის ეტაპზე ცვლილებები უფასოა და შეუზღუდავი — სწორედ ამიტომ ვიწყებთ დიზაინით.

კოდის დაწერის შემდეგ ფასში შედის 2 რაუნდი შენიშვნა. ერთი რაუნდი ნიშნავს ერთ სიას, არა ცალკეულ შეტყობინებებს.

დამატებითი რაუნდები ან ბრიფის მიღმა გასული ცვლილებები ცალკე ფასდება. ღირებულებას წინასწარ გეტყვით.

ტექსტების, ფოტოებისა და ლოგოს მოწოდება შენი მხარეა, თუ ცალკე არ შევთანხმდით.

მოწოდებულ მასალაზე უფლებები შენ უნდა გქონდეს. ჩვენ არ ვამოწმებთ ფოტოების ან ტექსტების წარმომავლობას და ამაზე პასუხისმგებლობას არ ვიღებთ.

ტექსტების დაწერა ცალკე სერვისია და წინასწარ თანხმდება.

სრული გადახდის შემდეგ საიტი შენი საკუთრებაა — კოდი, დიზაინი, კონტენტი.

დომენი რეგისტრირდება შენს სახელზე. ყველა წვდომა გადმოგეცემა. ჩაკეტილი არაფერია.

ჩვენ ვინარჩუნებთ უფლებას, შესრულებული პროექტი გამოვიყენოთ ჩვენს პორტფოლიოში. თუ ამას არ ეთანხმები, წინასწარ გვაცნობე.

პირველი წელი: დომენი, ჰოსტინგი, SSL სერტიფიკატი და ტექნიკური მხარდაჭერა ფასში შედის.

მე-2 წლიდან: 49₾/თვე (ან 499₾/წელი) ლენდინგისთვის და 99₾/თვე (ან 999₾/წელი) ბიზნეს საიტისა და მაღაზიისთვის.

მხარდაჭერის გაუქმება შესაძლებელია ნებისმიერ დროს, ჯარიმის გარეშე. გაუქმების შემდეგ საიტი და დომენი შენთან რჩება — მხოლოდ ჩვენი მომსახურება წყდება.

გაშვებიდან 30 დღის განმავლობაში ტექნიკურ ხარვეზებს, რომლებიც ჩვენი მხრიდან იყო დაშვებული, უფასოდ ვასწორებთ.

გარანტია არ ვრცელდება: კლიენტის მიერ შეტანილ ცვლილებებზე, მესამე მხარის სერვისების (ბანკი, სოციალური ქსელი, გარე API) გათიშვაზე და ჰოსტინგის მიღმა არსებულ პრობლემებზე.

ვერავინ და ჩვენც ვერ დაგპირდებით კონკრეტულ პოზიციას Google-ში, გაყიდვების რაოდენობას ან ტრაფიკის მოცულობას. ვპასუხობთ იმაზე, რომ საიტი ტექნიკურად სწორად იყოს აწყობილი.

თუ პროექტი შენი ინიციატივით წყდება, ჩაბარებული ეტაპის ღირებულება არ ბრუნდება.

თუ მასალები ან უკუკავშირი 30 დღეზე მეტ ხანს არ მოდის, პროექტი ითვლება შეჩერებულად. განახლებისას შესაძლოა ვადა ხელახლა შევათანხმოთ.

თუ პროექტს ჩვენი მიზეზით ვწყვეტთ, დაუმუშავებელი ნაწილის თანხა უკან გიბრუნდება.

უპირატესობას ვანიჭებთ პირდაპირ საუბარს — გამოცდილება აჩვენებს, რომ თითქმის ყველაფერი მოგვარებადია.

თუ შეთანხმება ვერ მოხერხდა, დავა წყდება საქართველოს კანონმდებლობის შესაბამისად.

პირობების განახლების უფლებას ვინარჩუნებთ. მიმდინარე პროექტებზე მოქმედებს ის ვერსია, რომელიც შეკვეთის მომენტში იყო ძალაში.